Watumishi wa Mamlaka ya Majisafi na Usafi wa Mazingira (DAWASA) Mkoa wa Kihuduma wa Ukonga wanaendelea kuadhimisha Wiki ya Huduma kwa Wateja kwa zoezi la kuwatembelea na kuwafikia wateja wake mtaa kwa mtaa kwa lengo la kusikiliza, kupokea na kutatua changamoto za kihuduma walizonazo katika maeneo yao.

Zoezi hilo linaendelea kufanyika katika maeneo yote ya kihuduma ya Kata za Pugu, Majohe, Gongolamboto, Pugu Stesheni na Chanika.

Maadhisho ya wiki ya huduma kwa wateja hufanyika kila mwaka kuanzia tarehe 7 hadi 11 Oktoba ambapo mwaka huu kauli mbiu inasema "Ni Zaidi ya Matarajio".